presentación virtual Eskibel
Preguntas frecuentesNormativasDepartamentosSecretaría galeriayoutubeComedorCalendarioAutobúsMoodle

NOTE! This site uses cookies and similar technologies.

If you not change browser settings, you agree to it. Learn more

I understand

HEZKUNTZA EREDUA

Modelo educativo Alcaste

HEZKUNTZA EZKAINTZA

Oferta educativa Las Fuentes

LANABES PEDAGOGIKOAK

Instrumentos educativos Alcaste

PROYECTOS

PROYECTOS

BERRIKUNTZA PEDAGOGIKOA

Innovación pedagógica Coas

eskibel-euskaraz1

Euskararen eguna ospatzen

Pasa den abenduaren 3an, Eskibelen Euskararen eguna ospatu genuen. Ilusioz hasi ginen prestatzen egun horretan egingo genuena eta, horretarako, Euskaraldia ekimenarekin bat egin genuen. Azaroaren 23 tik ahobizi edo belarriprest piloa ikusten zen eskolan.

Euskararen Egunerako apaingarriak egin ziren: Batxilergo 1. eta 2koak izan ziren ardura hori hartu zutenak eta sarrerako panelak apaindu eta aho bizi izateko pegatinak egin zituzten Eskolako sarreran jarri genuen panelean, Eskibeleko leloa agertzen zen Euskara, mugarik gabeko haizea. Batxilergo 2koek egin zuten leloa, metaforaren trebezia egitenez.

Eta Euskararen Eguna 2018 iritsi zen. Txikienek, egun horretan, lepoko zapia eta txapela jantzi zuten, eta guztiok euskaraz hitz egiteko prest etorri ginen eskolara.

HAUR HEZKUNTZAN beraiek egindako mural batzuekin apaindu zuten pasiloa. Muraletan beren leloa: Gau eta egun, Euskara gure lagun!!. Gero, DBHkoek antzerki bat egin zieten, eta eguna bukatzeko txokoaltea txurroekin jan eta Euskaraldian ikasitako abestia abestu eta dantzatu zuten, denek elkarrekin.

LEHEN HEZKUNTZAN denetatik egin zuten: antzerkiak, DBH 1. mailakoek Kahoot berezia prestatu zuten 6. Mailakoentzat, irakurketa lehiaketa, eta eguna bukatzeko,denak bildu ziren Gure nahia abestia elkarrekin dantzatzeko.

DBHn ere primeran ospatu zuten Euskararen eguna. Txikiei antzerkiak egin zizkieten, klasean karaokeak eta pelikula bat ikusi zuten.

DBH 4 eta BATXILERGOkoek hitzaldi aparta izan zuten Laura Chamorro TeleDonostiko aurkezle, bloglari eta enpresariarekin. Bere ibilbide profesionala kontatu zien eta moda munduko gora behera interesgarriak ere. Bukaeran, nahi izan zuenak, berarentzat jazteko kolorerik aproposena zein zen galdetu ahal izan zion.

Compartir

Azken eguneraketa: Friday, 14 December 2018 14:13

Bisitak: 279

Lehen sektorearen garrantziaz jabetzen

“GURE LURRA Sembrando Futuro”, Gipuzkoako Foro Aldundiak sustatutako proiektua da. Lehen sektoreari agerikotasuna emateko, bere zeregin garrantzitsua aitortzeko eta baserritarren eta hiritarren arteko topaleku izateko jaio da.

Lehen sektorearen erronkarik handiena bere garrantzia gaur egungo gizarteari helaraztea da. Eta gure haurrak etorkizuna direla jakinik, ezinbestekoa da mezua argi iristen zaiela ziurtatzea. Hau lortzeko antzezlan hezigarri bat prestatu zuten azaroaren 21ean Kursaalean. Hara joan ziren gure Lehen Hezkuntzako 1. eta 2. mailako ikasleak.

Compartir

Azken eguneraketa: Tuesday, 04 December 2018 19:24

Bisitak: 624

DANBORRADAK AITA MENNI BISITATU ZUEN

Hilaren 19an, osteguna, Erain-Eskibel Konpainiako ikasle talde batek, Zuhatzuko Ahizpa Ospitalarien Aita Menni zentroa bisitatu zuen, bertako gaixoekin batera San Sebastian Eguna ospatzeko.
Gaixoei, langileei eta ikasleei zirrara nabari zitzaien. Sarriegiren martxekin batera, ikasleek bertako gaixoekin batera arratsaldea ahalik eta era atseginenean pasatzeko ahalegina egin zuten.

Compartir

Azken eguneraketa: Monday, 27 March 2017 10:01

Bisitak: 672

TXIKIEN ETA EZ HAIN TXIKIEN DANBORRADA

Urtarrilaren 19an Haur eta Lehen Hezkuntzako ikasleok San Sebastian Eguna ospatu genuen. DBH-ko eta Batxilergoko ikasleek ere ustekabeko ospakizuna izan zuten.
Ikasleek eta irakasleek txokolatea eta txurroak janez hasi zuten denboraldi hotza, eta kalera irten aurretik berotzen lagundu zien. Gero, ikasle guztiak lerroan jartzen joan ziren. Bertan, guraso asko zeuden festaz gozatzeko prest. Aurten berrikuntza egin genuen: bandera jasotzea. San Sebastian martxarekin batera, Eskibeleko zuzendariak bandera jaso zuen, festaren hasiera iragarriz. Ondoren, gainerako martxak jo zituzten eskolako atarian desfilatuz, eta berritasun modura, Haur Hezkuntzako eraikineraino luzatzen zen ibilbidea egin zuten.
DBH-ko eta Batxilergoko ikasleek ere ustekabeko ospakizuna izan zuten. 16:15etan txokolatea eta txurroak eraman genizkien ikasgelaraino. Gainera, danborradako martxak jo zituzten boligrafoekin mahaiak kolpatuz, danborren eta makilen erara.

Compartir

Azken eguneraketa: Monday, 27 March 2017 10:01

Bisitak: 738

FAMILIA ORIENTAZIO IKASTAROA. “NERABEZAROA”

Joan den urtarrilaren 27an, ostirala, DBH-ko 1. eta 2. mailetako gurasoentzako Erainek eta Eskibelek ikastetxean antolatutako nerabezaro COF-a amaitu zen.
33 pertsonek (17 bikotek) parte hartu dute eta lau taldetan banatuta lan egin dute. Víctor Petuya, Luis Díaz, Patricia Gómez, Javier Velasco eta Itxaro Sorozábal izan dituzte hizlari.
Ikastaroak iraun dituen bost saioetan krisia eta erronkak, autoritatea, krisi existentziala, irteerak eta lagunak edo sexualitatea bezalako gaiak landu dira.
Ikastaroa trinkoa izan da, baina era berean oso baliagarria. Talde bileretan nahiz saio orokorretan sortutako giroa oso parte-hartzailea eta lasaia izan da –Horregatik, "COF amaiera" aperitibo baten bidez ospatu genuen, gure hausnarketak partekatzeko aprobetxatuz.
Ikastaroak beren seme-alaben garai honetan sakontzeko denbora eta ahalegina eskaini diguten gurasoei jakinduria gehiago eman izana espero dugu.

Compartir

Azken eguneraketa: Monday, 27 March 2017 10:01

Bisitak: 1620

TALDE-LANAK IKASKUNTZA HOBETZEN DU ETA GIZA GAITASUNAK GARATZEN LAGUNTZEN DU

Otsailaren 1ean, 2an eta 3an Eskibelgo, Eraingo eta Erain-Txikiko irakasleek Talde-Lan bidezko Ikaskuntza Ikastaroan parte hartzeko aukera izan zuten Bilbon.
Saio honetan gakoa, talde-lanaren bidez, lidergoa, eztabaida positiboa eta berdinen arteko errespetua bezalako gaitasun sozialak garatzen laguntzen duten estrategia desberdinak garatzea izan da. Minnesotako Unibertsitateko Robert eta David Johnson irakasleek zuzendu dituzte saioak, eta oso praktikoak izan ziren. Orain gure ikasgeletan ezartzea eta ikasgaia burutzeko online fasea amaitzea geratzen zaigu.
Beste behin, irakasleen etengabeko formakuntzaren bidez, Eskibelek berrikuntza kontuan duela bermatu dezakegu.

Compartir

Azken eguneraketa: Monday, 27 March 2017 10:01

Bisitak: 659

HAUR HEZKUNTZAKO ATE IREKIEN JARDUNALDIAK

Urtarrilaren 27an eta28an Eskibelgo Haur Hezkuntzako ikasgelak irekiko ditugu gure irakaskuntza proiektua zabaltzeko.
Aurten, jardunaldiek bi egun iraungo dute, ostirala, goiz eta arratsaldeko saioekin, eta larunbata, familia gehiago jasotzea ahalbidetzeko. Hezkuntza proiektuaren oinarrizko alderdiak azaltzeko baliatu zen saioaren hasiera –formakuntza akademikoa, humanoa eta kristaua-, 2, 3, 4 eta 5 ureetako ikasgelak bisitatu ziren, estimulazio goiztiarreko jarduerak ikusteko, Jolly Phonics metodoa erakutsi zen, Psikomotrizitate jarduerak, pentsamendu ohituren garapena... Era berea, jangela eta sehaska-gela ikusteko aukera izan zuten, familien iritziz ikastetxeko eder eta atseginena, hain zuzen.
Larunbatean, ikaslerik ez zegoenez, ikasturteko tutore bakoitzak ikasgela garatzen zituzten jardueren inguruko azalpena eman zuen eta hauek ikusteko bideo bat erakutsi genuen.

Compartir

Azken eguneraketa: Monday, 27 March 2017 10:02

Bisitak: 680

Copyright - Colegio Eskibel